Tuesday, December 16, 2014

箍牙日記下集及常見問題



整個箍牙時間:6/8/2012 - 23-11/2014  
(備註: 包括埋做諮詢 影相 等整模既時間:) 

 長達兩年既箍牙體驗終於完結!
聽過好幾個人講 效果好顯著 
好似變左個新既人咁 就覺得幾辛苦都值得 hahaha 
雖然依家每晚訓覺既時候都需要帶住佢黎keep住D牙唔好走位。
 Btw 箍隱適美係減唔到肥 因為唔會點影響到食野 
不過我因為箍牙都食少左好多薯片 因為薯片好容易痴係牙上面
 如果食完擦唔到牙 再戴返 我真係諗起都覺得核突 


 
1. 點解要箍?
- 其實我唔係傳統哨牙 而我決定箍之後都有好多人問我「點解你要箍?」 
我個情況比較特別 係咬合唔齊(棚牙合埋既時候 條脷可以從中間穿過(°_°)) 
所以我講野會唔正 好lur(即係漏風)

 


2. 點解唔箍傳統?
- 見識過身邊既人傳統箍牙方法既痛苦 箍牙果段時間咩都唔食得 
又痛又好容易kick住. 都聽聞話食完野渣會係晒個箍上面 即刻嚇親唔想箍傳統
雖然佢比較平同埋時間快D之餘 其實慣左都無咩感覺 但我都係忍受唔到

 

3. 隱適美既壞處?
- 上網搵過甚至聽人講過話隱適美唔夠力 牙要搞好耐先箍完 
不過我無驚無險咁過左兩年 而且對我日常生活無咩影響
對我黎講 每次換新箍 D牙因為要適應新箍而引致既痛楚都係好少事
 因為最多痛+痺 幾個鐘 就咩事都無

- 另外一個麻煩點是 食完野 其實因為箍牙初期既牙窿比較大 
所以我就算返工或出去食飯都拎定牙線等食完去廁所整整棚牙,
所以依家都形成左個習慣會用牙線(我唔識用傳統果隻 所以我都係用牙簽形果款牙線) 

 
4. 揀邊個醫生好?
- 其實我決定箍之前已經上網做左好多research 睇過好多人既分享 
 而決定係唐醫生既原因 係除左佢靚仔:P 
 最大原因係第一,收費合理-四萬五全包 
(請注意係兩年前 再加上佢無幾耐之前係沒女上完電視 我唔知有無因為紅左而加價(☆_☆)) 

第二,佢有幾間診所方便你隨時見佢
(不過我都好少去覆診,
因為去左幾次 每次都係同我講:「 箍得幾好喎 keep住丫! 」
我等左成粒鐘 但睇得幾分鐘 其實你可以繼續問佢多D野 
但我又無咩特別野想問 又唔係想同靚仔吹水.....
不過如果你鍾意既話 幾時去搵佢都無問題架 
最緊要既係:乖乖地帶足個鐘數 同埋準時換箍其實就ok了)

 

5. 牙套點樣keep? 
- 我開頭會用牙刷 刷 但聽人講好易整花同整爛個箍 
到最後我買左假牙清洗片去浸佢XD
其實我唔知咁樣O唔OK 但對我黎講 咁樣仲乾淨過用牙刷 刷佢~


下面就係 我D牙箍照(已經全部清洗乾淨XDD 如果唔係應該KEEP到好臭....
同埋d號碼其實有d錯 因為我自己都唔知去左邊XD.)




 上排既箍~





其實睇呢張就可以發現上排既牙齒最大既分別






呢張就係下排牙齒既對比圖~


呢d係refinement.. 其實同第一phase 最後果個箍差不多
個樣無咩大改變


依家個面型就係咁XDDDDDDDDD
下面有再驚嚇D既相.

                
老實說 如果露齒笑起上黎 都係唔好睇XD 但係已經比之前齊左好多T^T .
最緊要係我成個面型都改變左:D .




多謝收看~XD